Lineêre vergelyking

'n Lineêre vergelyking is 'n wiskundige vergelyking in die vorm:

Grafiese voorstelling van twee lineêre vergelyking

$y=mx+c$

waar:

$m$ = Die helling van die lyn

$c$ = Die y-afsnit van die lyn (as x = 0 is dit die punt waar die lyn die y-as kruis)

Dit gee 'n reguit lyn op 'n grafiek. Dit gee daarom slegs een oplossing ('n oplossing is die berekening van x waar y nul is.)

Indien twee punte/koördinate $(x_{1},y_{1})$ en $(x_{2},y_{2})$ bekend is, kan die vergelyking opgestel word soos volg:

Kry eers vir $m$:

$m={\frac {y_{2}-y_{1}}{x_{2}-x_{1}}}$

Indien $m$ bekend is, kan c verkry word deur een koördinaat en m in die algemene vergelyking te vervang. Dus:

$y=mx+c$

Vervang een koördinaat en $m$:

$y_{1}=mx_{1}+c$

Dan is $c=y_{1}-mx_{1}$

Of alles kan in een stap gedoen word deur:

$y-y_{1}={\frac {y_{2}-y_{1}}{x_{2}-x_{1}}}(x-x_{1})$

Kyk ook

• Vergelyking (wiskunde)
• Polinoom
• Interpoleer